Meta-in Facebook update thar tichhuak

Meta chuan a social messaging app enkawl zinga lian ber, Facebook Groups-ah update thar an siam thu Thawṭanni khan an puang. Update tharah hian Facebook group admin-te chuan private group ni ṭhin chu public-ah an thlak thei dawn tih an puang a, group reach a tihzauh phah thei dawn tih an tarlang.

Private group aṭanga public-a thlak hian group member-te privacy a la thupsak chhunzawm bakah member list pawh a thup chhunzawm reng dawn bawk. Private group a nih laia post zawng zawng chu public-a dah a nih hnu hian dah chhuah a ni dawn chuang lo a ni.

Group privacy thlak tur hian Facebook setting page aṭanga siam mai theih niin, admin dang te'n thlak a nih rual hian notification an dawng nghal dawn a, thlak a nih aṭanga ni thum chhung hian review leh cancel leh theih tura tih a nih thu Meta chuan an tarlang.