'Sexiest Man Alive' 2025 atan Jonathan Bailey

People magazine chuan kumtina a lo thlan ṭhin angin, kumin atana 'Sexiest Man Alive' thlang lehin Hollywood actor Jonathan Bailey, kum 37 mi a thlang. English actor Bailey hian lemchan huangah hnuhma hrang hrang a lo nei tawh a, tun hnaia chhuak 'Jurassic World: Rebirth' leh 'Wicked' ah pawh khan a lo inlan tawh bawk. Netflix series lar, 'Bridgerton' ah pawh a chang a ni.

Sexiest Man Alive hi kum 1985 aṭanga thlan ṭan niin Hollywood actor legend Mel Gibson chu thlan hmasak ber a ni a, hemi hnu aṭang hian kumtin thlan a la ni zui ta zel a ni. Mipa hmelṭha, talented, leh an line-a hlawhtlinna nei ṭhate thlan chhuah ṭhin a ni a, a tlangpuiin lemchan thiam thlan an ni.