Meghan Markle lemchan lamah a kir

Britain lal chhungkaw mo, Prince Harry-a nupui Meghan Markle chu lemchan lamah kir lehin comedy 'Close Personal Friends' ah a inlan. He film-ah hian Lily Collins, Jack Quaid, Brie Larson leh Henry Golding-te chu a changtu ber an ni. Shooting hi Los Angeles-ah neih mek a ni bawk.

Markle hi American drama series 'Suits'-a episode pasarihah a lo chang tawh a, kum 2018-a Prince Harry nen an inneih hma khan 'Horrible Bosses' leh 'Remember Me'-ahte pawh a lo chang tawh a ni. A pasal Prince Harry nena an banner, Archewell Production chuan kumin August thla khan Netflix nen inremna an lo siam tawh a ni. An thawhdunna hmang hian Markle chu documentary series, 'Polo' leh 'Live to Lead'-ah executive producer niin, a lifestyle series 'With Love, Meghan' tih pawh an lo tichhuak tawh a ni.