Louis Philippe showroom hawng thar leh

Mipa thawmhnaw ṭha leh changkang zawrhna, Louis Philippe showroom hawn a nih atanga kum 12 chhungin a vawi hnihnan chei ṭhain, nimin khan Rinsanga Building, Zarkawt, Aizawlah an hawng thar leh. Anmahni dawrtute tan hamthatna chi hrang hrang an siamsak.

Kum 2013 khan Mizoramah Louis Philippe exclusive showroom hawng ṭanin 2018 khan chei ṭhat a ni tawh a, kuminah India ram puma franchise hrang hrangin dawr chhung chei dan inang kalpui turin company-in hma a la a, Mizoramah Rs nuai 50 vel sengin an thuam ṭha.

Aditya Birla Group hnuaiah kum 1989 khan mipa thawmhnaw ṭha leh changkang Louis Philippe hi din a ni a, India ramah exclusive showroom 500 chuang a awm. Hmarchhak bikah 15 chuang hawng tawhin heng zingah hian Guwahati franchise tih lohah Mizoram chu hralh ṭha ber a ni.

Mizorama dawr neitu Dr Franklin Lalrinngheta chuan, mipa inuluk thinten an dawr nasa a, to viau tura an ngaih ang aiin a to lo a, a rawng pawh tial leh ti chiai chuai awm lo Mizo mil tak a nih avangin an duh hle tih a sawi.