Hmingtea leh Puipuia-te'n Krismas hla tichhuak

Kristiante hunpui a hnai a, kan zaithiamte pawhin tunhnaiah Krismas hla thar tichhuakin mipuite min awi chho mek zel.

Mizo Idol aṭanga Zoram mipuite'n kan hriat lar ve ve, Hmingtea leh Thawhlehnaniropuia (Puipuia)-te chuan Krismas hla thar 'Remna Lal' an tichhuak a, Thawhlehni khan MDM YouTube channel-ah chhawpchhuak tawhin thlir pawh a hlawh hle.

'Remna Lal' hi Hmingtea phuah hi niin, music track hi Kima Chhangte kutchhuak a ni thung. Studio a10-ah recording hi an ti a, video hi Alberta Ralte kutchhuak a ni bawk. "Ṭhalaiten tun Krismas hi engtin nge an hman ve dawn? Keini chuan Bethlehem lam thlirin zai kan vawr dawn tiin chona thu kan rawn siam a ni," tiin Puipuia hian an hla thar chungchang hi Vanglaini a hrilh. Music video pawh hi naupang lam leh ṭhalaite hip thei tur bera buatsaih a ni a, a thluk pawh sukpui delh delh tura an ruahman thu a sawi bawk.

Hmingtea leh Puipuia hi Mizo Idol-a pathumna lo ni tawh ve ve an ni a, an music video thar hi hmuh a nuamin en a manhla hle a ni.