'Alice in Wonderland' movie-ah Sabrina Carpenter

American singer leh songwriter, Sabrina Carpenter chu Universal Pictures nen thawk dunin, Lewis Carroll ziah 'Alice in Wonderland' behchhana musical movie siam turah a changtu ber a nih dawn bakah a produce nghal dawn.

He musical movie hi Lorene Scafaria chuan a ziak dawn a, Marck Platt chuan a produce dawn a ni. Producer dang zingah Leslie Morgenstein leh Elysa Koplovitz-te pawh an tel. Carroll Victorian era thawnthuah hian hmeichhe pakhat, Alice chu rabbit hole-ah tla lutin, helai hmunah hian mihring ṭawng hmang ramsate a hmu a ni. He thawnthu hi kum 1951 khan Disney animated movie-ah siam niin, kum 2010 khan Tim Burton chuan live-action version-ah USD tld eng emaw zat sengin a siam a, Johnny Depp chu Mad Hatter-ah a chang a ni.