Fred Durst thusawi vangin Lim Bizkit concert tur cancel

Limp Bizkit-in nakkuma Estonia-a concert an neih tur chu singer, Fred Durst-an tun hma lama Russia ram leh an president Vladimir Putin thlawpna lam thu a sawi avangin cancel a ni. Concert hi nakkum May 31-a neih tura ruahman a ni.

Mahse, concert promoter Baltic Live Agency chuan Estonia-a Limp Bizkit concert neih tur ṭhulh a nih thu a sawi a, ṭhulh a nih chhan erawh a sawi chiang lo. Mahse, Durst hian kum 2015-a radio interview a neihah, Russian citizenship neih a chak thu leh, in pawh a lei thu a sawi. Media lamin Russia an tarlan dan chu a dik lo a ni, tiin President Putin pawh mi ropui tak, a tuma chiang leh mi ṭha tak a ni, a ti. A thusawi avang hian Ukraine chuan Durst hi an rama luh a lo khap tawh bawk. Estonia rama concert an neih tur thu an puan hnuah, ministry of foreign affairs chuan Russia thlawptu tan an ramah hmun a awm lo tih sawiin, Estonia chuan Ukraine a thlawp thu a sawi zui ve a ni. Hei vang hian an concert neih tum pawh hi an phalsak lo nia ngaih a ni.