Mana Motors-in anmahni dawrtute tan Great Escape buatsaih

Mana Motors chuan Inrinni khan an hnen aṭanga lirthei leitute tan 'Great Escape event' an buatsaih a, Mahindra SUV hmangin Aizawl aṭanga Sialsuk thleng tlanin an intihlim.

An shoowroom, Bawngkawn atangin zing dar 9-ah Dealer Principal Dr Franklin Lalrinngheta'n a vai liam a, Mahindra SUV 25 vel inzuiin Sialsuk an pan a, lirtheite hi Thar, XUV 3OO, Bolero leh Scorpio te an ni. Mizorama Mahindra full range dealer neitu Dr Marina chuan an hnena aṭanga lirthei leitute tan intihthawvenna hun an buatsaih theih avangin lawmthu a sawi a, an lirthei ṭhat leh ṭhat loh enna a ni nghal bawk.

Indian automobile company lian Mahindra & Mahindra chuan 1996 atangin Mahindra SUV leitute tan ni khat awh Great Escape a buatsaih ṭan a, kawng chhiaah tlanin hlimawm takin hun an hmang thin. Mana Motors pawhin Mizoramah mumal takin Great Escape a buatsaih ṭhin. India ram pumah GST thar hman a nih hnu September atanga November 15, 2025, thla hnih leh a chanve chhungin Mana Motors-in Vahan-ah lirthei an hralh tawh 538 an ziak lut a ni.