Yungblud-a'n a tour titawp lailawk

English singer, songwriter leh actor Yungblud chuan a hriselna lamah harsatna tawkin, doctor thurawn angin kumin chhung atan a tour neih lai a titawp lailawk. Kum 28 mi rock star hian a album kumin June thlaa a tihchhuah, Idols World Tour a nei mek a ni.

A social media-ah thuchhuah siamin, a aw leh thisen test result dinhmun a ṭhat vak loh avangin tour chawlhsan rih tura an tih thu a tarlang. Philadelphia, Cleveland leh Washington-a show a neih tur cancel a ngaih tak avangin a fan-te hnenah ngaihdam a dil nghal bawk. Yungblud hi Grammy-ah Best Rock Album category-ah nominate a ni a, a single 'Zombie' pawh Best Rock Song-ah nominate a ni bawk.