Anushka Sen-in rimawi lamah huang zauh dawn

Indian digital star leh actor, Anushka Sen chuan a portfolio huang zauhin rimawi lam kawng a zawh ve dawn. Sen hian a debut music atana single hmasa ber tur 'Chameleon' chu tihchhuah turin a peih fel ta. A debut hi Grammy Award pawh lo dawng tawh Ken Lewis nen thawk duna an siam a ni a, khawvel puma ngaihthlak theihin vawiin November 18 hian audio version-a tlangzarh a ni ang.

Sen hian kum naupang tein entertainment khawvelah a lut a, Indian television a child actor niin mi hriat a hlawh ṭan a, digital content creator lamah a inlet zui leh a ni. Prime Video-ah kum 2024 khan “Dil Dosti Dilemma,” series aṭangin hriat a hlawh zui leh hle bawk. Sen thawhpui Lewis hian Taylor Swift, Kendrick Lamar leh Kanye West-te pawh a lo thawhpui tawh ṭhin a, an kut chhuak pawh a mawi hle a rinawm.