Kar hmasa chhunga fan-te duh ber Miley Cyrus 'Dream As One"

Bilboard-in kartin rimawi chhuak thar zinga fan-te duhthlanna tur poll a siam, 'Favorite New Music' ah kar liam ta Zirtawpnia tihchhuah Miley Cyrus hla thar 'Dream as One' in vote a hmu sang ber. Miley single thar hi Avatar film franchise thar ber 'Fire and Ash' soundtrack atana hman niin, poll-ah vote 27.2% hmuin fan-te duh ber a ni.

Kar hmasa Zirtawpni veka tihchhuah dang, Summer Walker, 'Finally Over It' chuan vote 22.4% hmuin pahnihna a ni. Ṭum dang aiin pakhatna leh pahnihna inthlauhna hi a tlem hle. Hetih laiin poll-a thlan tur dah chhuah zinga duh nei lote thlan ṭhin 'other' chuan vote 20% hmuin pathumna a ni thung. Palinaah Scottish singer leh songwriter Lewis Capaldi hla thar 'Survive' EP chuan vote 15.2% hmuin a che ṭha pawlah a lang pha.