Êng kal chak dan teh a ni dawn

Einstein-aín Íng kal chak zawng hi khawi hmunah pawh a ngai reng nia sawi ṭhin kha a dik chiah loa hria mithiam ṭhahnem tak an awm a, he inhnialna hi a dik leh dik loh hun rei loteah hian enchhin a ni thuai dawn niin Physical Review chuan a tarlang.

Theory of Gene≠ral Relativity-a hmun pawimawh tak chang chu Íng kal chak zawng a ni. Tunah hian Íng kal chak zawng aṭangin arsite hlat lam pawh teh a ni. Einstein-a theory hi a dik lo a nih hlauh chuan physic khawvelah chuan theory leh innghahna ṭha zawk mamawh a ni ngei ang.

Einstein-a chuan Íng kal chak zawng hi a ngai reng niin a sawi a, chumi a nih chuan space leh time hi a situation a zirin a danglam thei tihna a ni. ng kal chak zawng hian nghawng a nei lian dawn a, universe insiam tirh second eng emaw tÍ chhunga thil thlengah nghawng nasa tak a nei. Big Bang zawha universe insiam tirh lai hian, mithiam ṭhenkhat chuan Íng hi a kal chak lehzual niin an ngai thung.

Einstein-a ngaihdan hi Joao Magueijo, Imperial College, London-a mi te, Perimeter Institute, Canada-a mi Niayesh Afshordi te chuan an
ṭawmpui lem lo. Universe insiam tirh lai khan hmun khawi khawiah emaw te energy awm zat a in≠thlak danglam nasa hle a (quantum fluctuation), he fluctuation hi cosmic microwave background
aṭangin a hriat theih a ni an ti. He fluctuation, energy awm zat inthlak danglam chhan hi universe in≠siam tirh laia Íng kal chak zawng inang loin a siam a ni an ti. Heng mithiamte hian Íng kal chak zawng a ngai reng leh ngai reng loh hi an enchhin ang a, a dik a nih chuan law of nature kan tih mai hi tun ang hian a ngai reng dawn lo tihna a ni an ti.