OnePlus 3T December-ah chhuak dawn

OnePlus chuan December thla hian India-ah an phone thar, 3T an tichhuak dawn tih an sawi. An tihchhuah hun tur tak hi December 2 khi a ni. Chinese company hian Gadgets 360-ah khan an phone tihchhuah tur chungchang hi an lo sawi lawk tawh bawk.

OnePlus 3T hi a lan danah chuan OnePlus 3 nen khan a inang hle. Processor hi 1.6 GHz quad core a ni a, a hmai hi inchi 5.5-a hlai a ni. A front camera a ṭha hle a, a hnung lam nen a pixel a inang a, 16 megapixel ve ve a ni. A hmai a lian a, a resolution pawh a ṭha viau a, 1080 x 1920 a ni a, operating system-ah hian Android 6.0.1 a hmang.

A storage a lian ṭha a, 64 GB a ni a, a RAM pawh 6GB lai a ni a, game khelh nan pawn a RAM hi chu a ṭha viau dawn. Graphic processing unit lam hi an tarlang lo a, a GPU hi a ṭhat viau phei chuan game khelh nana duhthusam tur tak a ni ang. A battery pawh 3400 mAh a ni. Chi hnih a awm dawn a, pakhat zawk hian storage-ah 128GB a hmang ang.