2NE1 an ṭiahvai ta

K-Pop khawvela hmeichhe group lar leh hlawhtling, 2NE1 chuan hun eng emaw chen music an chawlhsan hnuah an kal zel dan tur an rel a, 2NE1 ang chuan kal tawh loh nise tiin an rel a, 2NE1 chu a tawp dawn ta a ni.

2NE1 hi kum 2009-a din kha a ni a, member-te hi CL, Bom, Dara leh Minzy te an ni. Kum 2014 khan Minzy chuan an group hi a chhuahsan a, a chhuahsan hnu lawk hian 2NE1 member dangte chuan hun eng emaw chen atan 2NE1 ang chuan music an chawlhsan rih dawn tih an puang zui. Hemi hnu hian inzawmkhawm leh intuaithar leh lamte an ngaihven a, mahse an sawiho an sawiho hnuah 2NE1 chu tihtawp law law ni zawk se an ti ta a ni.

2NE1 member-te chuan, ìKum≠in May thla khan 2NE1 anga kan contract chu a tawp tawh a, kan zinga Minzy awm loh avanga harsatna awmte kan ngaihtuah hnuah, 2NE1 chu tihtawp mai ni se kan ti ta a ni,î an ti. Group anga kal tawh loin solo-a hun hman an tum tawh hlawm. CL leh Dara chu solo-a kal turin YG Entertainment hnuai
aṭangin an inhnukdawk tawh bawk.