Stacy Krismas hla a buatsaih mek

Ṭhazual chart-ah pawh pakhatna lo luah fo tawh Stacy VL Muanpuii chuan Krismas hla a buaipui mek a, kar leh Thawhṭanni hian tihchhuah hman a tum. Tuna a Krismas hl hi a album-ah erawh chuan a awm lo ang.

Stacy hian a Krismas music video hmasa ber tur a buaipui mek a, shooting an nei mek. Tunkar hi chuan an zo tawh ang a, kar leh Thawhṭannia tihchhuah hman hram a tum. ìA nalh lutuk, Lauren Daigle leh Chris Tomlin te sak ëNoelí kha a ni a, Mizo ṭawnga lettu hi Amtea, zaithiam tho kha a ni,î a ti. ìAmtea hi hla lehlin a thiam lutuk, a hla lehte a Mizo ṭawng a ṭhain a tluang a, a nalh a, a thu awmzia pawh a let chhuak thiam khawp mai,î a ti.

ìA dik tak chuan Krismas hla siam hi ka huphurh a, ka tum lutuk lo. A season a rei si lo a, music video dang siam nen a senso a inang reng bawk si. Mahse Krismas hla siam tura min duhtu an ṭhahnem ve a, a bikin BZAín min ngen bawk a, ka siam ta a ni,î a ti. Krismas music video a siam mek a, chutihrualin Krismas vuakvetah programme neuh neuha zai tura sawmtu an ṭhahnem tawh hle a, "Ka hun a khat deuh vek tawh,î a ti.

Stacy chuan, ìTuna ka Krismas hla tur hi ka album-ah erawh chuan ka dah lo ang,î a ti bawk. Stacy hian album a buatsaih mek a, kumthar lamah khi chuan a tichhuak ang. Mahse CD emaw DVD emaw chuan a tichhuak dawn lo a, ṭum khatah album pahnih emawa ṭhawta tihchhuah a rilruh deuh bawk.

ìMizostore kaltlangin ka album ka tihchhuah ka ring. CD emaw, physical album hi chu Mizoram angah hi chuan a hlawhtling thei lo, digital system-a Mizostore aṭanga tihchhuah ka duh,î a ti. ìKa album hi nakkumah tihchhuah ka rilruk a, ṭum khatah album pahnih emawin ka tichhuak ṭhawt mai thei. Hla ka nei ṭha a, album pahnih tur hi a daih a ni,î a ti. Mizostore hi kan hmanglar sawt viau a, zaithiamte pawhin an hmang ṭangkai ta viau. Nakkin lawkah chuan digital sale hi ka la uar zawk dawn a, physical sale hi chu a tlakhniam tial tial hmel.