Catholic school-ah K-Pop Demon Hunter hla sak khap

Khawvel huapa animation lar leh ngaihven hlawh, K-Pop Demon Hunter hla chu England-a Lilliput Church of England Infant School chuan an zirlaite'n sikula an sak a khap sak tih BBC chuan a tarlang. School chuan he animation-a hla thute hi Kristian nunphung inzirtirna sikul chhunga sak a inrem lo niin an sawi.

Catholic school hian Zirtawpni liam ta khan naupang chhungte hnenah hian hriattirna tichhuakin; school community member zinga mite chu he animation-a tarlan, 'ramhuai' lam hawi vang hian an awm a nawm loh phah niin a tarlang. Hei bakah animation-ah hian Pathian leh thil ṭha lam kalh zawng thil a awm nia an ngaih thu an tarlang bawk.

Hetih lai hian naupang chhungte zinga ṭhenkhat chuan hmalakna hi an sawi sel a, K-Pop Demon Hunter hla hit Grammy nomination pawh hmu pha 'Golden' chuan an fate nunah a ṭha zawngin nghawng a neih thu an sawi ve thung.