Enhypen-in Philippines tuilian tuarte tan won mtd 100 pe

South Korea boy group, Enhypen leh an label, Belift Lab chuan tun hnaia Philippines rama tuilian tuarte ṭanpuina atan won mtd 100 (USD 68,2000) an pe.

Enhypen chuan Philippines rama tuilian nasa tak avanga mi tam tak tawrhna chu an lo hriat thu leh, Philipines ram chuan an thinlungah hmun sang tak a chan thu an sawi. Belift Lab chuan ṭanpuina sum an pek hi tuilian tuar nasa zual, Philippines hmarlama Bulacan province-a harsatna tawkte chhawmdawlna atan pek a ni tih a tarlang bawk. Enhypen hian March thla khan Bulacan-a Philippine Sports Stadium-ah "WALK THE LINE" world tour an lo nei tawh a, Philippines rama band lar ber zingah an tel a ni. Ṭanpuina sum hi NGO Hope Bridge Korea Disaster Relief Association leh Philippine Disaster Resilience Foundation te kaltlangin sem a ni ang.