Hitman-a Elusive Target atan Slim Shady

Khawvela game ngaihven hlawh 'HITMAN World of Assassination' game developer IO Interactive chuan an kutchhuak thar ber chu December 1 khian ROG XBOX -ah tlangzarh a nih tur thu an puang. Game level thar turah hian Agent 47 chuan celebrity a tawng leh dawn a, a mi lar tawn tur rapper lar Slim Shady chu a bitum tur thar a ni dawn.

Eminem chuan a alter ego naupang zawk, Slim Shady tukdawl tur hian Agent 47 hi a ruai dawn a, hei hi rapping zinkawng ṭha zawk a zawh theihna atana a kawng sialna pawimawh tak a ni dawn a ni. Game franchise dangah pawh Agent 47 hian mi lar eng emaw zat a lo tawng tawh a, an zingah eng emaw zat pawh a lo dah ṭha ve tawh bawk.

Hitman game lama mi thar i nih chuan Elusive target-te hi Agent 47 tana bitum har ber leh khirhkhan ber tur tihna a ni. Game level thara Slim Shady elusive target a ni hi a game tidanglamtu a ni ngei dawn tihna a nih chu. Hitman level thar hian game a tih hit ngei pawh a rinawm.