Whatsapp-in feature thar tichhuak

Social messaging app hlun ber pawl ,Whatsapp chuan feature thar 'Status Update feature" tichhuakin, hei hi Instagram Notes zulzuia siam a nih thu an puang. Feature thar tihchhuah hi Whatsapp-a 'About' tih ṭhin kha langsar zawkin a awm tawh dawn tihna a ni ber a, hmangtute'n kan vei zawng leh thil tih kan update-te awlsam zawka hmuh theihna tur a nih thu company chuan a tarlang. 'About' a dah ṭhinte a lan rei zawng tur pawh mahni duh danin a siam danglam theih dawn bawk. Hei bakah hian 'About' a dah hmu thei tur pawh duh a thlan theih vek dawn a; one-on-one chat kan neih puite pawhin user profile-ah awlsam takin an hmu thei dawn bawk.

Hetih laiin Whatsapp feature thar hi Instagram in a lo kalpui sa anga changtlung - reels, looping video leh music dah theih ang kha a la ni dawn lo thung a, text update chauh a la theih. Mahse, hman nasat a nih chhoh chuan IG ang style pawh hian a danglam thuai rin a ni.