India leh Australia-in inremna siam

Lemchan leh a kaihhnawih thil chi hrang hranga thawk dun turin India leh Australia chuan nimin khan Goa-a neih mek International Film Festival of India (IFFI) 2025-ah inremna thuthlung an ziak. MoU hi Panaji khawpuia Mariott Hotel-ah an ziak.

IFFI 2025 hi chhunzawm zel a ni a, nimin aṭang khan hmun hrang hrangah film chhuah ṭhin niin, Inox-ah film show hawnna hun hman a ni. IFFI hian mipui ngaihhlut a hlawh hle a, Goa-ah chuan boruak lian ber a ni mek. Union Information Broadcasting minister of state Dr L Muguran chuan nimin khan Kala Academy-ah Master Class a hawng a, cinema leh film lam sawihona programme a ni.

Nimin vek khan red carpet-ah film lama sulhnu ropui tak takte an inlan a, IFFI chhunga chhuah tur film pangngai leh feature film thlan chhuahte endiktu (jury)-te pawh an inlan. Jury zingah hian Napoleon RZ Thanga, Mission Veng pawh a tel.