December 4-ah 34th Lelte Award sem dawn

Mizo Award hlun ber, Lelte Award vawi 34 na chu December 4 (Ningani) zan dar 6 hian Dawrpui Miltipurpose Hall ah sem a ni leh dawn ta. He hun atan hian buatsaihtute lam pawhin hma an la nasa hle tawh.

Award chi hrang 34 sem a ni dawn a, sem tur zinga Special Award dawng turin India sipai huaisen Lawmzuala chu thlan a ni. Ani hi tunah Kashmir ah a awm mek a ni. Lifetime Achivement dawng turin zaithiam leh hla phuah thiam Ruata Zote pawh thlan a ni bawk a ni.

Chibil Award dawng turin Zofa hnam hrang hrang - Gangte, Simte, Thahdo, Paite, Mara, Lai, Kaipeng leh Hmar aṭangin zaithiam thlan an ni tawh. Award chhim tur hian Delhi, Yangun,USA amite sawm an ni bawk