Mizoramah Midea an inbun ta

Inchhung bungrua (electronic) company lian Midea India Private Limited chuan Mizoramah an bungruate an rawn chhawp chhuak ta. Midea hotute chuan dealer ṭha leh after sales service ṭha tak nen Mizoramah huang an rawn zauh thu an sawi.

Nimin khan Midea spokeperson Siddharth Saxena, Midea India country head ni bawk chuan Dawrpui Multipurpose Centre-a an company bungruate pho chhuahna leh sumdawngte nena inkawmhonaah thuthar thehdarhtute kawmin, Midea India Private Limited chu Midea Group hnuaia mi a nih thu leh kumin Fortune Global 500 list-ah 246-na an nih thu a sawi. Refrigerators, washing machines, microwave ovens leh inchhung bungraw dang hrang hrang khawvel huapa ṭha ber berte man tlawm tak leh mi tin ban phak tura an chhawp chhuah dawn thu a sawi.

Siddharth Saxena sawi danin, khawvela football club lian Manchester City forward Erling Haaland chu an company global brand ambassador a ni a, an bungruate hi instalment (EMI) hmangte pawhin lei theih a ni dawn. Aizawl, Siaha, Champhai leh Kolasib-a NeverOwned dawr hrang hrangahte an bungruate hi chhawp chhuah a ni ang.