Xiaomi thar tun thlaah

India-ah an tihchhuah dawn leh dawn loh hriat ni loin, a chanchin hriat tur tam lutuk lo mah se, hriat chian chin chu Xiaomi hian an kut chhuak thar, Mi 5c chu China-ah an tichhuak dawn tih an sawi.

Xiaomi hian December 6 hian China-ah Mi 5c an tichhuak dawn tih an sawi a, India-a tihchhuah an tum leh tum loh engmah a hriat loh. He device kimchang hi a put ru nia sawi a ni a, tum reng vanga put ru pawh a ni mai thei. A hmai hi inchi 5.5-a hlai a ni a, a processor hi 2.2 GHz octa core a ni. A RAM pawh 3GB a ni a, internal storage hi 64 GB a ni.

Camera lam pawh a chhe lo a, a hnunglam camera hi 12MP a ni a, a hma lam hi 8MP a ni. Android Marshmallow hmang tura ngaih a ni a, MIUI 8 nen bul a rawn ṭan ang. China-ah chuan Yuan 999 ni tura sawi a ni a, India pawisaa chantir chuan Rs. 9,926 a ni.