File No. 22 chhuah ṭan dawn

I&PR leh MFDS tena an buatsaih, Film Competition-a pahnihna dawngtu File No. 22 chu mipuite en theih turin chhawp chhuah a ni dawn ta. File No. 22 hi Mizo film ṭha tak a ni a, Film Competition-ah pawh hian pahnihna a dawn bakah Best Director leh Best Actor/ Actress-ah te ṭha bera thlan a ni bawk.

File No. 22 hi mihringte duh‚mna tarlanna a ni a, duh‚mna avanga suala mihring a luh dan te, chuta ṭanga boralna kawnga mihring a hruai dan tarlan a ni. Action a ṭha a, acting lamah chuan Mizo film chhuak tawh zinga chhuanawm pawl tak a ni ang. Film hi thla thum chhunga buatsaih a ni a, a film script leh story board siam nan hian thla khat chhung hun an hmang a, he a story board-ah hian a film kalphung tur fel taka duan lawk sa vek a ni.

Film-ah hian mi pariat chiah an lang a, chuti chung chuan a thawnthu tluang a ṭhain, directing pawh a ṭha hle a, a hmuhnawm viau tho. He film hi Albert Zosang≠liana, A&Z Entertainment neitu kut≠chhuak a ni a, ama puala film puitling a siam vawi khatna a ni. Sum tuak nana hmang duh tan 9774954015-ah biak theih a ni.