'Exorcist' movie tharah Scarlett Johansson

American actress Scarlett Johansson chu Universal leh Blumhouse-Atomic Monster-ten 'Exorcist' movie thar an siam turah a chang dawn. 'Exorcist' thar hi Mike Flanagan ziah a ni a, director leh producer a ni nghal bawk.

Universal chuan kum 2021 khan 'Exorcist' trilogy siamna atan USD 400 a seng a, mahse, studio chuan kum 2023-a 'The Exorcist: Believer' an siam chu an tichhuak thei ta lo a ni. Film hi Chris MacNeil bakah a changtu thar eng emaw zat nen tihchhuah leh niin, global box office-ah USD mtd 136 a la lut a ni. 'Exorcist' original, kum 1973-a tihchhuah kha William Friedkin direct a ni a, khawvel pumah USD mtd 441 a la lut thei a, Oscar-ah vawi 10 nominate a ni bawk.

'Exorcist' thar tur hi kum 1973 hunlai anga chan tur a ni a, 'Believer' sequel a ni dawn lo. Plot kimchang leh a changtu tur dangte pawh tihfel ni tawhin, New York City-ah film hi chan a ni ang.