'Tiny Desk' a K-pop group perform hmasa ber SEVENTEEN

South Korean boy band SEVENTEEN chu NPR Music signature live series, 'Tiny Desk' ah an perform tih an agency, Pledis Entertainment chuan nimin Thawhlehni khan an puang.

Member Joshua, Mingyu, Seungkwan, Vernon leh Dino-te chuan minute 30 chhung 'SEVENTEEN Tiny Desk Concert' live performance an nei a, NPR Music YouTube channel-ah November 24 khan tihchhuah a ni. An hla hit tak tak; 'Super', 'Clap', 'HOT' leh 'SOS' te an sak bakah, 'World', 'Darl+ing'; 'Rock with you' leh 'Whirlwind' te an sa bawk a ni. Tiny Desk hi live series niin, artist-te rimawi leh vocal performance pholanna a ni. Series-ah hian Taylor Swift, Coldplay, Billie Eilish, leh Sabrina Carpenter-te an lo inlan tawh. SEVENTEEN hi Washington, D.C. NPR headquarters office-a K-pop group zinga perform hmasa ber an ni.