Sangsangi hla thar 'Krista Thisenin'

One in Christ member ṭhin Lalruatsangi (Sangsangi) chuan hla thar a tichhuak dawn a, Zonet leh YouTube lamah thlira ngaihthlak theihin a awm thuai dawn.

Sangsangi hla thar tur hi 'Krista Thisenin' tih a ni a, a single pahnihna niin a hmaa a tihchhuah 'Chanchinṭha Hril' phei chu Ṭhazual chart-ah chart topper-te hial a lo nihpui tawh a, chuvangin a hla thar pawh hi a nalh leh hle ang tih a rin theih.

'Krista Thisenin' hi sap hla 'The Blood of Jesus' Lalnunpuia Hrahselin a lehlin a ni a, Foster Records-ah recording chu tiin music video chu Hmingtea, Milestone Pictures kut chhuak a ni thung.