Billie Eilish 3D concert movie tlangzarh dawn

American singer-songwriter, Billie Eilish chuan a 3D concert movie chu Paramount Pictures-in a tichhuak dawn tih Pathiannia San Francisco-a 'Hit Me Hard and Soft' tour a neih tawp zanah Instagram-ah a puang.

Concert movie hi Eilish leh James Cameron co-direct niin, nakkum March 20-ah Paramount chuan Darkroom Records, Interscope Films leh Lightstorm Entertainment-te nen an thawh hona hnuaiah theater-ah tih chhuah a tum. Eilish chuan 'Hit Me Hard and Soft' tour chu tour a neih tawh zinga nuam a tih ber a nih thu sawiin, James Cameron nen an thawhdun theih avangin lawmthu a sawi bawk a ni. Oscar vawi hnih lo dawng tawh leh, Grammy vawi kua lo dawng tawh Eilish hian kumin July thla khan Manchester concert a neihah hmachhawp pawimawh tak a neih thu a lo sawilang tawh a ni.