'Fortnite Festival' season 12 Icon atan Lisa

Epic Games chuan 'Fortnite Festival' Icon atan South Korean girl group, Black Pink member Lisa a ni dawn tih an puang. K-pop superstar hi in-game season 12-a 'Starlux Music Pass', kumin November 29-a tlangzarh turah main act a ni dawn a ni.

'Fortnite Festival' event-ah hian Lisa Outfit bakah, 'FXCK UP THE WORLD (Vixi Solo Version), 'Rockstar' leh 'New Woman' jam track-te chu Fortnite Shop-ah lei theih a ni ang. Fortnite original act, Melodie Mars chuan event-ah hian Lisa tan a hawng dawn a ni. Lisa chuan Starlux Music Pass-a main act a nihna hmangin, a fan-te chuan a album hmasa ber, 'Alter Ego' aṭanga a hla duh ber leh a thawmhnawte an hriatchian theih phah dawn tih a sawi. 'Fortnite Festival' season 10, August thla khan Gorillaz chu Icon an lo ni tawh a, season 11-ah mimal Icon awm loin 'Mixtape” tih a ni thung.