'Morbius’ tlangzarh hun sawn hla

Sony chuan  Jared Leto channa 'Morbius’ chu hripui lengin film industry nasa taka a la nghawng avangin tlangzarh hun an sawn leh tih an tarlang.

He film hi nikum March 19-a tlangzarh an tum tawh kha a ni a, mahse hripui leng vangin an sawn hla zel a, kumin October 8-a tlangzarh turin an sawn hla leh ta a ni.

Marvel Comics film Morbius hi Daniel Espinosa direct a ni a, Tom Holland-a Spider-Man nen sawi zawm a lo ni zeuh zeuh tawh ṭhin a, nakinah chuan Tom Hardy Venom-te nen pawh an la inhmukhawm thut mai thei.