China Box Office-ah 'Zootopia 2' che ṭha nghal

Disney kut chhuak 'Zootopia 2' chu China-a tlangzarh a nih rualin box office a thunun nghal. 'Zootopia 2' hi tlangzarh niah USD mtd 34 a la lut a, China-a tihchhuah nia Disney kutchhuakin sum a lakluh tam ber a nih bakah, U.S. kutchhuak China-a tihchhuah nia che ṭha ber a ni nghal bawk.

'Zootopia 2' hi China bakah Korea-ah pawh a che ṭha hle a, animation tihchhuah nia sum la lut tam pangana a ni phak a, Disney kut chhuak zingah tihchhuah nia sum la lut tam pahnihna niin Frozen 2 chiah a phak lo. Hei bakah market dang tihchhuahna France, Germany, Italy-ahte a che ṭha vek a, khawvel huapa a sum lak luh tawh zawng zawng hi USD mtd 81.1 a tling tawh a, Pathianni thlengin USD mtd 140 chuang a lak luh theih beisei a ni.

Hetih lai hian Hong Kong-a 'Zootopia 2' premiere tur chu kangmei nasa tak chhuak avanga nunna chan eng emaw zat an awm hnuah cancel a ni. 'Friendtastic!' parade-a Joey Yung inlan tura ruahmanna te, Hong Kong Disneyland-a Zootopia 2 Magic Access Members Special screening, November 27 Ningania Hong Kong Disneyland-a Gala premiere pawh cancel a ni tih park official-te chuan Instagram-ah an tarlang. Park chuan firework neih tur pawh cancel a nih tih an sawi bawk.