Zach Bryan-a'n international tour neih hun tur puang

American singer-songwriter, Zach Bryan chuan nakkum March 7 aṭangin 'With Heaven on Tour' a nei dawn tih a puang. St. Louis Dome, America Center-ah a khuh hawng dawn a ni.

Tour hi North America leh Europe-a hmun 40-ah neih chhunzawm a ni dawn a; October 10-a Jordan-Hare Stadium, Alabama-a a tawpkhar a nih hmain, London, Berlin, Oslo, Cork, San Diego, Arlington, TX, leh Foxborough, MA-ah a perform bawk ang.

Bryan hian U.S.-a college football stadium lian hoa a perform na turah ticket a hralh zo vek tawh a, September thlaa Michigan Stadium, Ann Arbor-a concert a neih turah pawh record siamin, ticket hi mi 110,000 chuangin an lei tawh a ni. Tun hnai khan nakkum January 9-ah album thar 'With Heaven on Top' a tlangzarh dawn tih a lo puang tawh bawk.