'Shrek 5' ah Marcello Hernández leh Skyler Gisondo

29th November, 2025

American actor pahnih, Marcello Hernández leh Skyler Gisondo-te chuan 'Shrek 5' ah Shrek leh Fiona-te fapa pahnih, Fergus leh Farkle-te tan an aw an thawh dawn.

Hernández hi 'SNL' aṭanga hriat hlawh niin, 'Happy Gilmore 2'-a a inlan bakah, comedy '72 Hours' ah a chang bawk dawn a ni. Gisondo hi 'Superman' film-ah Jimmy Olsen lem changin, 'Licorice Pizza' leh 'Booksmart' ah supporting role a ni bawk.

Universal Pictures chuan DreamWorks Animation kut chhuak, 'Shrek 5' hi June 30, 2027-ah a tlangzarh dawn. Film-a aw thawhtu zingah Mike Myers, Eddie Murphy leh Cameron Diaz-te pawh an role ngai an chang leh dawn a, Zendaya chuan Shrek leh Fiona-te fanu Felicia aw a thawh bawk ang.