DJ-i'n gospel MV a tichhuak

Mizo zaithiam, lengzem lama kan hriat lâr DJ Lalvenhimi chuan Pathian hla hmangin music video a tichhuak ve ta. DJ-i gospel music video hmasa ber hi 'Zing ṭawngṭaina' tih hla niin, November 28, Zirtawpni liam ta zan khan tlangzarh a ni. Dj-i gospel hla thar hi Upa Lalnunpuia Hrahsel phuah a ni.

Music video tlangzarhna inkhawm hi Domajo'z-ah buatsaih a niin, Zonuni Fanai-in a kaihruai a; Chanmari bialtu pastor Rev. Dr H Vanlalruata'n a tlangzarh. DJ-i hi lengzem hla a sak lai pawhin kohhran leh KṬP-ah active takin a inhmang reng ṭhin. Tunah hian naupang sunday school zirtirtu a nih bakah, Chanmari Pastor Bial Zaipawlah a tel mek bawk.