Mizo Idol concert ticket a lei theih ta; Zote Honda aṭangin scooter man theih dawn

Mizo Idol concert chu December 6 zan hian Lammualah neih a ni dawn. Mizol Idol Top 10; K. Hminga, Jaui, Hmingtea, Saka leh Siampuii bakah Aengi leh Rosalyn-i te an zai dawn a, zan tir lamah DJ KIMOCHI a che dawn bawk. Zai ngaihthlak tur bakah ei leh in tui tak tak awmna, Foodstall ṭhahnem tak siam a ni bawk ang.

Concert neih turah hian www.markevents.org-ah ticket lei theih a ni ta. Mi nawlpui lei theih turin General Ticket Rs.200 man siam a ni. Stage bul hnai, Artist-te'n an kalpawh theihna turah Fan Pit ticket tlem azawng siam a ni a, Rs. 1000 man a ni.VIP ticket tlemte siam a ni bawk a, Lammual chhung Parking a ken tel bakah enclosure hran siam a ni dawn.

Naupang kum 10 hnuailam tan ticket hran lak ngai loin, ticket pakhat hmangin a thlawnin naupang pakhat zel a hruai luh theih ang.Ticket category eng pawh leitute hian Zote Honda aṭangin HONDA DIO 125 H-SMART Scooter an man thei dawn. Concert zanah ṭhum vawr nghal tur niin, concert chhimtu a hmuna awm ngei hnenah Scooter hi hlan nghal a ni ang.