LBS Comedian Search-ah R. Lalhriatpuia a thiam ber

Zoram huap reality show inelna hlun leh ngaihven hlawh, 'Comedian Search Season 17' chu Zirtawpni liam ta zan khan a hmawr bawkna neih niin R. Lalhriatpuia, Luangmual Vengthlang chu fiamthu thiam berah thlan a ni. Rs 1,00,000 leh TV bakah LBS Suzuki aṭangin Scooter 125 a dawng.

Lawmman pahnihna hi Khawtinkhuma, Vangtlang hnenah hlan niin, ani hian lawmman Rs 50,000 leh Refrigerator a dawng a; Lalnunhlua, Melthum chu pathumna niin lawman Rs 30,000 leh Washing machine a dawng bawk. Top 3 lawmman hian Vivo Smart phone leh Trophy a keng tel vek bawk.

Grand Finale-ah hian contestant mi pangain inelna hmachhawnin a thiam zual pathumte thlan chhuah an ni. Final-ah hian judge pathum H. Rotluanga, Lalhruaitluanga Chawngte, leh Darrokimate bakah guest judge Stephen Auhmun an ṭhu. Kumina Comedian Search main sponsor hi LBS Durian Furniture a ni.