Nakkumah aespa full album pahnihna

South Korean girl group, aespa chuan nakkumah an full album pahnihna tur an tlangzarh dawn tih an puang.

'2025 MAMA Awards'-a thu an sawiah, aespa chuan nakkuma an group-in ruahmanna an neihte sawilangin, member Karina chuan nakkumah full album an tichhuak dawn tih a sawi a ni. Inbuatsaihna an neih mek thu leh, an thawhrim thu a sawi bawk. aespa hian kumin MAMA Awards-ah chawimawina eng emaw zat an dawng a, chung zingah chuan Best Dance Performance, Best Choreography, leh Fans' Choice Top 10-te an tel. Kumin chhungin an group hian chet chhuahna an ngah hle a, hla pahnih 'Dirty Work' leh 'Rich Man' an tihchhuah bakah tour an nei bawk.