Spotify Billions Club-ah Kelly Clarkson

Khawvela music streaming platform lian ber pawl, Spotify-a elite circle an tih mai 'Billion Club' chu American Idol leh talk show host ni bawk Kelly Clarkson chuan a hla 'Since U Been Gone' hmangin a kai ve ta. Clarkson hian a hla hi Spotify-ah 1 billion stream a nei tling ve ta a ni.

Clarkson hla 'Since U Been Gone' hi kum 2004-a a album tihchhuah 'Break Away' a single pahnihna niin, hemi kum vek hian Billboard Hot 100-ah No.2 a kai pha bawk. He hla hmang vek hian kum 2006 khan Grammy Award a lo dawng tawh a, kum 2005 khan MTV Video Music Award-ah 'Best Female Video' leh 'Best Pop Video' a lo dawnpui tawh bawk.