Aizawlah Brixton leh VLF lirthei tlangzarh a ni ta

Mizorama a vawi khatna tur leh India rama 13-na turin nimin khan MotoHaus chuan Aizawla LZ MotoHaus, Ngaizel, Kulikawnah Brixton leh VLF lirthei hrang hrang an tlangzarh.

LZ MotoHaus-ah hian Austria company Brixton Motorcycles siam bike chi hnih leh Italy company VLF siam scooter chi hnih chu Mizo mipui lei theih turin chhawp chhuah a ni a; trip khatna leh trip hnihnaa lirthei 80 rawn thleng tur chu kar khat chhung velin booking a full nghal vek.

MotoHaus managing director Tushar Shelke chuan MotoHaus hmalakna tharah India hmarchhak biala Mizoram a tel thei chu lawmawm a tih thu sawiin, Mizote'n khawvel huapa lirthei ṭha an nei thei tur chu a lawmpui thu a sawi a; a hlutna leh a siamchhuah that bik zia lantir an tum dawn tih a sawi bawk.