Honor of Kings-in entu ngah chhunzawm zel

Multiplayer online battle arena (MOBA) video game lar, Honor of Kings International Championship 2025 final chuan entu ngah lamah record siam lehin, final match pumpui hi entu an tam ber laiin mi 694,424 viewers a nei phak a ni. Final match zingah Nova Esports leh HomeBois BSE intum chuan entu ngah berin mi100,000 an nei tling bawk.

Honor of Kings World Cup 2025 Grand finale, Beijing-a Bird's Nest stadium-a neihah khan inelna en tura fan pungkhawm chu 62,196 tlingin esports match-a entu ngah ber Guinness World Record a lo siam tawh bawk. Honor of Kings International Championship-ah hian HomeBois BSE chu defending champion niin 4-0 in Nova Espots an hneh a, lawmman USD 300,000 an hum haw thei a ni.