Taylor Swift 'Eras Tour: The Final Show' trailer tichhuak

American singer leh songwriter Taylor Swift chuan a album hnuhnung ber puala tour a neihna concert film, "Eras Tour: The Final Show" trailer a tichhuak ta. Concert film hi Disney+ special-ah tihchhuah tur niin December 12 hian tlangzarh tum a ni.

Film-ah hian Swift-in Vancouver, B.C.-a final tour a neihna kimchang tarlan a ni dawn a, hei bakah hian a album hnuhnung ber "The Tortured Poets Department" show neihna hrang hrangte tarlan a ni dawn bawk. Final Show tihchhuah ni vek hian “Taylor Swift / The Eras Tour / The End of an Era” part ruk awmna docuseries-a episode hnih tihchhuah tum a ni bawk. Docuseries-ah khan opening act-a Gracie Abrams leh Sabrina Carpenter te inlanna bakah, special guest Ed Sheeran leh Florence Welch te pawh tihlan a ni dawn. The Eras Tour hian record hrang hrang a siam a, sum lak luh tamna ber tour a nih bakah concert chhimtu tam ber a ni bawk.