Prada-in Versace lei

Italian luxury fashion house lian, Prada chuan Thawhlehni khan thuchhuah siamin, thla riat vel an buaipui hnuah fashion company Versace chu USD tld 1.375-in a lei fel tih a puang. Versace founder, Gianni Versace kum 79-na pianchamah tak company hi an la ta a ni.

Designer Donatella chu kumin March thla khan kum 27 hnuah, Versace fashion company brand creative chief a nihna aṭangin a lo bang tawh bawk a ni. Donatella chuan kum 1997 khan a nuṭa, Gianni Versace thih hnuah company hi a enkawl chhunzawm a, hemi hnuah Prada-in ṭhalaite tan bika a siam luxury brand, Miu Miu design director Dario Vitale chuan a thlak leh a ni. Versace an lak hnuah Prada heir Lorenzo Bertelli chu executive chairman in a awm ang. Prada hian clothing and accessory brand Miu Miu, footwear brand Churh's and Car Shoe bakah sailing team luna Rossa pawh a lo lei tawh bawk.