ACM Award kum thar lamah Las Vegas-ah

Country rimawi huanga award ngaihhlut hlawh Academy of Country Music Awards chu nakkumah chuan Las Vegas-ah sem a ni leh tawh dawn tih, Prime Video leh Dick Clark Productions chuan an tichiang. ACM award hi kum thum liam ta chhung khan Frico, Texas-ah sem ṭhin a ni a, nakkum May 17 khian Vegas lamah a sem a ni leh tawh dawn a ni.

ACM vawi 61-na hi MGM Grand Garden Arena-ah sem a ni dawn a, Prime Video leh Teitch-a Amazon Music channel-ahte live a pek chhuah a ni dawn a; country rimawi huanga thawm nei lian leh che ṭha tak takte kan hmu leh dawn.

Award sem tura nominee-te hi puanzar a la ni lo a, kimchangin nominee hi nakkum kumtir lamah vek hian puan hman tum a ni bawk.