'Sholay: The Final Cut' Golden anniversary pual trailer chhuak ta

India film sawi a pianga a hming lam rik tawh tur leh ngaihhlut hlawh, "Sholay: The Final Cut" chu kum 50 a tlin lawmna pualin theater-ah December 12, hian khawvel pumah tlangzarh a ni leh dawn a; hemi puala tihchhuah tur trailer pawh nimin khan tihchhuah a ni ta. Veeru leh Jai-te chevel kan hmu leh thei dawn a, lungleng leh nghakhlel tak pawh kum upa lamah chuan an kat nuk a rinawm.

Sholay tihchhuah thar leh tur hi kum 1975 a Ramesh Sippy original uncut version a ni dawn a, tuilet hnua a vawi khatna atan he version hi tihchhuah a ni dawn a ni. 4K leh Dolby 5.1 sound-a siam ṭhat niin en nuam tak a ni thei dawn a, trailer-ah hian "The Greatest Story Never Told" tagline an hmang nghe nghe a; mipui tamzawk hmuh turin uncut version hi tihchhuah a la ni ngai lo a ni.

Hetih mek laiin Veeru lem chang tu Dharmendra erawh thla hmasa khan a thi a, a chanpui leh a nupui ni bawk Hema Malini-te, Jai lema chang Amitabh Bachan te pawh an lung a leng thar ngei ang. Sholay hi kum 1975 August, 15-a tlangzarh a nih hnu khan kum 19 chhung chu Indian Box office a thunun zui thei hial bawk.