Kai Tak Stadium-a K-pop girl group perform hmasa ber TWICE

South Korean girl group, TWICE chu kumin March thlaa hawn, Hong Kong-a Kai Tak Stadium-ah December 6 leh 7 khan an perform a, K-pop girl group zinga perform hmasa ber an ni. Show an neihah hian mipui 90,000 an pungkhawm.

TWICE hian an full album palina title track, 'THIS IS FOR' hmangin concert bul an ṭan a, an hla hit dang 'Strategy', 'I CAN'T STOP ME', 'MOONLIGHT SUNRISE', 'FANCY', 'What is Love' leh 'YES or YES' te an sa. An group hian hlawhtlinna eng emaw zat an nei tawh a, chung zingah chuan an mini album 14-na title track, 'Strategy' chu K-pop girl group zinga Billboard 200 chart-ah vawi 10 lanpui thei hmasa ber an ni. Hei bakah Japan National Stadium-a ram pawn lam mi perform hmasa ber an ni bawk. TWICE hian kumin July 19-20 khan Incheon Inspire Arena-ah world tour khuh hawnna neiin, region 43-ah show 78 an nei tawh a, Bangkok-ah ni 13 leh 14 hian an neih chhunzawm ang.