'The Hunger Games: Sunrise on the Reaping' ah Jennifer Lawrence leh Josh Hutcherson

American actress Jennifer Lawrence leh, American actor Josh Hutcherson-te chu 'The Hunger Games: Sunrise on the Reaping' ah Katniss Everdeen leh Peeta Mellark lem an chang leh dawn.

Lionsgate movie hi Suzanne Collins novel behchhana siam a ni a, Lawrence leh Hutcherson-te inlan dan tur puan a la ni lo. Novel lo chhiar tawhte erawh chuan epilogue-ah hian Haymitch-te nen an inlan ho tih an hre thung ang. 'Sunrise on the Reaping' hi nakkum November 20-a tlangzarh tura ruahman niin, Francis Lawrence, Billy Ray, Brad Simpson leh Nina Jacobson-te chu producer an ni leh ang. 'Sunrise on the Reaping' ah hian Elle Fanning chuan Effie Trinket naupan lai lem angin a chang a, Ralph Fiennes chuan president Coriolanus Snow lem a chang bawk a ni.