Fan-te duh ber Lil Baby 'The Leaks'

Billboard-in kar hmasa chhunga rimawi chhuak thar fan-te duhber thlanna poll a siamah, American rapper leh songwriter Lil Baby album thar 'The Leaks' chu an duh ber a ni. Rimawi huanga che ṭha tak takte'n hla thar tichhuak ve mah se Lil Baby album thar hi an tluk zo ta lo a ni. The Leaks hian vote tla aṭangin 36% a hmu pha .

Lil Baby album tharah hian rimawi huanga thawm nei lian tak tak Playboi Carti, Lil Yachty, Young Thug, G Herbo-te a thawhpuina hlate a awm. Lil Baby hian a album dang, 'WHAM' chu billboard 200-ah No 1 a lo nihpui thei tawh bawk a ni.

Poll-ah hian Alex Warren & Gigi Perez hla thar “Eternity” chuan vote 28.03% hmuin pahnihnaah a awm a, Disclosure leh Leon Thomas thawhdunna hla “Deeper” chuan vote 10.61% hmuin pathumnaah a lang bawk.