Zaninah Classic Rock Fest

Mizorama rock music ngainatu, a bikin 1980's leh 1990's music ngainatute nghahhlelh Classic Rock Fest chu zanin hian Vanapa Hall-ah neih a ni leh dawn ta. Facebook-a 'Classic Rock Ngainatute Group' chuan kum 2015 aṭanga kum tin he rock intawhkhawmna hi an lo buatsaih tawh ṭhin a, mipui hlut a hlawh ṭhin.

Zanin dar 7 hian Vanapa Hall-ah 'Classic Rock Fest 2019' an nei leh dawn. Band ṭha tak tak 20 vel an inlan dawn a, luh man a awm dawn lo bawk. Ṭanpuina bawm hun a ni dawn thung a, heta ṭanga an sum hmuh hi mi harsa leh chanhaite ṭanpuinan an pe dawn a ni.