Apple Music thununtu Billie Eilish

Tunhnaia music khawvela huhang rawn nei liam em em mai, American tleirawl zaithiam Billie Eilish chuan 'Apple Music' lamah sulhnu ropui tak rawn nei tharin, a album 'When We Fall Asleep, Where Do We Go?" chu' kumin chhunga album stream nasat ber a ni.

American pop singer Billie hian 'When We Fall Asleep, Where Do We Go?' hi kumin March 29 khan American record label 'Interscope Records' leh 'Darkroom' kaltlangin a tlangzarh a, a hit nghal hle. He album-a mi hla 'Bad Guy' chu billboard 100 chart-ah pawh pakhatna a nih pui hial bawk.

Billie Eilish hi tunhnaia music award semna hrang hrangah a cheṭha em em vek a, chu mai ni loin Spotify leh YouTube-te'n kumin chhunga an hla service-a hla stream tam list an tihchhuahah pawh a cheṭha ber zinga mi a ni chho char char bawk a, hei hian kum naupang te mah ni se rimawi khawvelah a naupan bik lohzia a tilang a ni.  

American black, gay rapper Lil Nas X pawhin 'Apple  Music' lamah a hming chher thar lehin, Billboard 100 chart-a kar 19 chhung pakhatna ni thei hla awm chhun, a hla 'Old Town Road' chu kum 2019 chhunga Apple Music-a hla stream tam ber a nihpui ve leh bawk.

Nas X dawtah hian, American white rapper Post Malone leh Swae Lee - hla 'Sunflower (Spider-Man: Into the Spiderverse)' chu a awm a, American Pop leh R&B singer Ariana Grande hla 'Thank U, Next' leh '7 Rings'-te chuan pathumna leh palina dinhmun an hauh bawk a ni.