12th Game Awards sem a ni; Game ṭha ber Clair Obscur: Expedition 33

Khawvel huap video games hrang hrang hnena chawimawna hlan ṭhin "Oscars of Gaming" an tih hial, The Game Awards vawi 12-na chu Ningani zan khan Peacock Theater, Los Angeles-ah sem a ni. Kumin Game Awards-ah hian French action adventure Sandfall and Kepler Interactive siam 'Clair Obscur: Expedition 33' chuan award ngaihhlut hlawh ber, 'Game of The Year' a dawng a; nomination 12 a hmuh aṭangin award pakua a dawng bawk.